Eitt ár í viðbót

Jæja þá er eitt ár síðan ég bloggaði síðast en þá var einmitt eitt ár síðan ég bloggaði síðast.

Sjáumst á næsta ári

KO - Bloggari

-Kristjan 17:28

Eitt ár



Jæja þá fer að styttast í eins árs bloggleysi. HÚRRA!!!!!

-Kristjan 12:10

Höttur í úrvalsdeild!!

Knáir körfuknattleikkappar

Ég vil biðja alla sem geta valdið vettlingi að mæta á rimmu Hattar og Vals um sæti í úrvalsdeild á næstu leiktíð. Til að komast upp þarf að vinna tvo leiki.

Leikirnir:
1.Apríl kl. 19:15 Valur-Höttur að Hlíðarenda
3.Apríl kl. 19:15 Höttur-Valur á Egilsstöðum
ef að staðan verður 1-1 eftir fyrstu tvo leikina:
5.Apríl kl. 19:15 Valur-Höttur að Hlíðarenda

BLOGGARAR ATHUGIÐ: SKELLIÐ ÞESSU INN Á BLOGGIÐ YKKAR!!


Mætum öll og búum til alvöru Hattarstemmingu að Hlíðarenda. Pæliði í snilldinni, Höttur í úrvalsdeild!!



ps. það er stefnt að því að hafa beint flug á leik nr.2 á EGS ef veður leyfir. Þeir sem hafa áhuga talið við mig á msn eða bara hringiði...

KO - dyggur stuðningsmaður Hattar

-Kristjan 21:43

Mikilvæg tilkynning!


Þið ykkar sem hafið verið að kalla mig nörd:

32%................................................ 68% Meðalmaður:50% nördÉg(KO):32% nördRÚST!!!




Þið höfðuð 32% á réttu að standa, sem þýðir að ég sé 68% EKKI nörd. Rétt skal vera rétt!

KO - Not nerdy, but definitely not hip.

-Kristjan 13:43

Íþróttagetraun

Margir hafa beðið spenntir eftir næsta quizzi KO's


Jæja nú er komið að því að það gerist eitthvað á þessari síðu.
Til að auka gagnvirkni hennar hef ég ákveðið að skella á nýrri getraun sem að þessu sinni er gerð eftir fyrirmynd Kristins Björnssonar sem reið á vaðið með getraun af þessu tagi fyrir skemmstu. Svar óskast í commentadálk, en í verðlaun eru 700 grömm af kjötfarsi. Fyrir að hafa bónusspurningu rétta er niðursoðið spergilkál(hálf dós)

1.Spurning
Hann gerði garðinn frægan með knattspyrnuliðum í Englandi fyrir nokkrum misserum. Þótti ekkert alltof slæm kaup í CM '94 og lék stöðu hægri bakvarðar þótt stundum hafi hann brugðið sér í miðvarðarstöðuna... hver er maðurinn?



2.Spurning
Hann blokkeraði 456 sinnum á leiktíðinni '84-'85 með liði sínu Jazzgeggjurunum í NBA deildinni. Þjálfari hans uppgvötaði hann þegar hann sá tröllvaxnar lappir kappans koma undan bifreið á bílaverkstæði einu í USA. Hver er kappinn?


3.Spurning
Myndin er af Steve Bould á sínum yngri árum. Það er ekki verið að spyrja um hann heldur þann mann sem hann hafði oftast sér á vinstri hönd í vörn liðs síns að mati flestra þeirra sem spiluðu þann ágæta leik CM'94. Sá leikmaður var frægur fyrir föst skot, baráttu og eljusemi, enda uppalinn meðal trylltra brjálæðinga í "The Crazy gang". Hver er maðurinn?


4.Spurning
Hverfum nú aftur til sumarsins 1993. Þá var ekki enn runnin sigurvíman af einum ákveðnum leikmanni NBA deildarinnar enda var hann nýbúinn að vinna meistaratitil, þó ekki í fyrsta skipti, því að þessi ákveðni leikmaður hafði þá þann heiður að hafa aldrei ekki unnið meistaratitil á sínum ferli sem atvinnukörfuknattleiksmaður. Hver er þessi leikmaður og með hvaða liði leikur hann í dag?


5.Spurning
Spurt er um mann sem hleypur eins og vindurinn, yfirleitt 800 metra. Hann hefur þó þann djöful að draga að keppa ekki fyrir móðurland sitt, heldur ginntist hann af gylliboðum neyslusamfélags vesturlandabúa. Einhverjir, sem hafa aldrei séð manninn, kynnu að segja að hann væri frændi okkar íslendinga, en hið rétta í málinu er að blóðið sem rennur í æðum hans á akkúrat ekkert skylt við íslenskt. Hver er maðurinn?


og að lokum er það bónusspurningin...
Engin vísbending en hver er þessi maður sem girnist afturenda skotmannsins með mústassið(leikmaður nr.5)?


Svör óskast í kommentadálk!!!!!






-Kristjan 21:31

Stuð-Serían





Já hér er komin ný sería af kvikmyndum í anda Nýtt líf, Dalalíf og Löggulíf. Þessi sería er að sjálfsögðu framleidd af KO&Hafthor Media's sem nýlega stofnuðu með sér samstarfsbandalag með það að aðalmarkmiði að bæta íslenska kvikmyndamenningu, því margar hendur vinna létt verk, og oft veltur lítil þúfa þungu hlassi, og betur sjá augu en auga og enginn er verri þótt hann vökni, segir sá lati og sjaldan fellur eplið langt frá eikinni. Nú þegar hafa verið gefin út 3(já heil þrjú!) stuð-vídeó Flugvélastuð, pizzustuð og nú síðast Hjólkoppastuð!

Smellið á linkana til vinstri á síðunni til að horfa og commentið svo í commentadálkinn því eins og segir í málshættinum enginn verður óbarinn biskup.

KO - & Hafthor media's

-Kristjan 23:16

Nýr og enn betri Ragnar Pétur Magnús

"Raggi" hefur sjaldan eða aldrei litið betur út


Flugvélaframleiðandinn Cessna hóf nýverið samstarf við þotumótoraframleiðandann Rolls Royce um að betrumbæta hina gömlu hönnun C-150 týpunnar, sem þykir aðeins hafa dalað í samkeppni við nýrri tegundir flugvéla. Var það engum öðrum en Ragnari Pétri Magnúsi sem hlotnaðist sá heiður að verða fyrsta eintak hinnar nýju og betrumbættu Cessna-150 Trimotor. Af því tilefni var haldin mikil veisla honum til heiðurs á flugvelli Borgarfjarðar Eystri eins og sjá má á meðfylgjandi mynd...

KO - flugvélasjúkur

-Kristjan 01:17